quinta-feira, 30 de maio de 2013

ANEDOTA...



POLITICAMENTE FALANDO

NHU MALAM I UM BOM PAI DI FAMILIA UM FUNCIONARIO PUBLICO EXEMPLAR...I TA VIVE KU SI MINDJER NHA JOANA I EH TENÉ 2 FIDJUS DI 15 I 13 ANOS...NHU MALAM A 8 ANOS ATRAS DICIDI ENTRA NA POLITICA ATIVA...SORTI BIM BATIL PORTA EH TCHOMAL PÁ CEDU MINISTRO...SINTADU NA TORPEÇA DI PODER, NHU MALAM KUNSA MUDA...MITI MOM NA DINHERO DI ESTADO RANCA, QUERENÇAS KU KATORZINHAS PATCHARI...I BIDA PATRUCINADUR DI FESTAS, BATIZADUS, TOCA TCHUR ETC ETC...
SUMA LI I PISTAM N´PISTAU...GOVERNO CAI KONHÓS...UM SUMANA DIPUS UM KATORZINHA DISATENTA LIGA NHU MALAM: PAPI, PAPI, N´TENE NIVER DI NHA AMEIGA, MISTI BAI CUMPU CABELO KU UNHA, N´PEGA TAM ROPA LA NA BUTIQ.
NHU MALAM PÁ KÁ DÁ ABAIXO...SIM, PABIA MALAM STA BADJA NA FALENCIA POR FALTA DI GERENCIA...I FALA KATORZINHA I STA BOM NA MANDA NHA SUBRINHU LA KU DINHERU, I DISLIGA I PUI MOM NA CABEÇA.
DIDU MÉ KATORZINHA TENÉ BÁ UM JANTAR MARCADO KU SI CHAVALO. KI DIA TCHIGA I PURPARA TUDU I NA PERA PA CHAVALO SURGI KILA KA SURGI...I LIGA KILA MAS DI 8 BIAS NADA, KILA KA NA ATINDI...AFINAL CHAVALO TAMBI NA PERA BÁ UM DINHERO KU NHA JOANA SI AMANTI PRUMITIL, SIM PORQUE OTCHA VIDA MUDA I KA SÓ NHU MALAM KU TA RANDJA BÁ JOVENS SARADUS, NHA JOANA STA BA TAM NA "PAKA PAKA" NA RUA.
MA SUMA DINHERU KU NHU MALAM DIDU DA BA NHA JOANA I DA SI KATORZINHA EL, N´TÁ NHA JOANA FICA SIM DINHERU PÁ DÁ SI JOVEM. 
LOGO FIM DI SUMANA FICA STRAGADU PA TUDU GUINTIS...NHU MALAM TUDJIDU GITRIMENTU NA CASA...NHA JOANA FICA SIM "BERKILÓ" DI JOVEM...JOVEM FICA SI GITRIMENTU DI KATORZINHA. I SUMA KATORZINHA SINTA NA CASA PÁ PERA CHAVALO PA BAI JANTA I BIM KABA PA ASSISTI TELEJORNAL, LA I KABA PA DISCUBRI KUMA GOVERNO DI NHU MALAM KAI...I NHU MALAM FICA SIM KATORZINHA.

"KAFUMBERO"

Sem comentários:

Enviar um comentário